मुंबई ; दहावी बारावीच्या विद्यार्थ्यांसाठी महत्त्वाची बातमी समोर आली आहे. महाराष्ट्र राज्य माध्यमिक व उच्च माध्यमिक शिक्षण मंडळाने २०२५ साली होणाऱ्या दहावी आणि बारावीच्या लेखी परीक्षांचे वेळापत्रक जाहीर केले आहे. या परीक्षा राज्यभरात मंडळाच्या ९ विभागीय कार्यालयांतर्गत पार पडणार आहेत. 

बारावीची परीक्षा (एच.एस.सी.): ११ फेब्रुवारी २०२५ ते १८ मार्च २०२५. रोजी तर   दहावीची परीक्षा (एस.एस.सी.): २१ फेब्रुवारी २०२५ ते १७ मार्च २०२५. या कालावधीत होणार आहेत.  राज्यातील पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर आणि कोकण या नऊ विभागीय शिक्षण मंडळांमार्फत या परीक्षा घेतल्या जातील.

दहावी आणि बारावीचे परीक्षेचे विस्तृत वेळापत्रक मंडळाच्या अधिकृत वेबसाईटवर लवकरच उपलब्ध होईल.

• विद्यार्थ्यांना वेळापत्रकानुसार वेळेत तयारी करण्याचा सल्ला देण्यात येत आहे.
• परीक्षांच्या तारखांमध्ये कोणताही बदल झाल्यास त्याबाबत वेळेवर सूचना दिली जाईल.

विद्यार्थ्यांसाठी सूचना:

• प्रवेशपत्र (हॉल तिकीट): विद्यार्थी आपले प्रवेशपत्र संबंधित शाळा व कनिष्ठ महाविद्यालयांतून वेळेवर घ्यावीत.
• आधिकारिक वेबसाईट: परीक्षा संबंधित कोणत्याही शंका किंवा बदलासाठी मंडळाच्या mahahsscboard.in या अधिकृत वेबसाईटला भेट द्या.
• तयारीसाठी वेळेचे नियोजन: आता वेळापत्रक जाहीर झाल्यानंतर विद्यार्थ्यांनी त्यांच्या अभ्यासाचा आढावा घेत योजनाबद्ध तयारी करावी.

दहावी आणि बारावीच्या परीक्षा या विद्यार्थ्यांच्या शैक्षणिक जीवनातील महत्त्वाच्या टप्प्यांपैकी एक मानल्या जातात. या परीक्षांतील कामगिरीच्या आधारे उच्च शिक्षण तसेच करिअरच्या संधी ठरवल्या जातात. विद्यार्थ्यांसाठी व पालकांसाठी ही माहिती अत्यंत महत्त्वाची आहे.